O noso máis sentido agradecemento ao equipo directivo, ao profesorado e a toda as traballadoras e traballadores do Agrupamento de Escolas de Freixo pola súa acollida.
Por facernos sentir como parte da súa escola e por compartir con nós o seu bo saber facer.
Mais antes de pechar esta aventura, non podíamos marchar sen lembrar un anaquiño do impresionante patrimonio portugués, con unha pequeniña mostra do que coñecimos durante estes días.
Últimas pistas para chegar ata a escola na que estivemos esta última semana:
- Dende a cidade da lenda (Ponte de Lima) ata a escola que visitamos, viaxando cara o sur, hai unha distancia similar á que hai entre a Illa de Arousa e Vilagarcía.
- Está nun pobo con nome de árbore; unha árbore á que en Galicia e na mitoloxía celta, atribúenselle poderes curativos e sobrenaturais. Os antigos labregos afirmaban que nunca era alcanzada por un raio, e por iso nas tormentas se refuxiaban debaixo das súas pólas. (Por se axuda: comeza por F).
.JPG)
Como van esas pesquisas?
Nós aquí, aproveitamos un momento na clase de Tics para amosarlle ao alumnado de 6º ano o lugar dende onde vimos.
Aquí van as seguintes pistas:
4) A escola está nun concello que foi o primerio pobo de Portugal.
5) Neste pobo existe unha lenda sobre soldados romanos e o río do Esquecemento, á que fai referencia esta foto.
Chegamos ao noso destino e comezamos coñecendo espazos, aulas (que aquí son salas), mestras e mestres e alumnado. O recibimento é fantástico e sentímonos moi ben acollidas.
AVISO AO PROFESORADO: Só podedes axudar logo da última pista.
Aquí van as primeiras:
1.- Para chegar ata aquí tivemos que cruzar tres pontes, dúas galegas e unha compartida co noso anfitrión.
2.- Aínda non sabendo o idioma local, non temos dificultade algunha para entendernos.
3.- Estamos ao norte do país.
Collemos rumbo a Portugal, coas maletas cargadas de ganas de coñecer como son as escolas do noso país veciño.
Saímos da Illa de Arousa,
