Último día

Queremos agradecer ao Agrupamento de escolas do Barreiro a súa hospitalidade e tamén a organizacion dos horarios para poder recibir a nosa visita. 

Grazas ao profesorado que nos abriu as portas das súas aulas para mostrarnos como traballan.

Grazas aos nenos e nenas do Barreiro pola sua complicidade a pesar de non falar a mesma lingua. Fixeron a nosa visita moi sinxela.

Grazas tamén por darnos tempo de ocio e recomendarnos a visita de lugares imprescindibles para coñecer a zona.

Aquí vos deixamos unha selección de fotos para que vexades que tamén tivemos tempo para desfrutar da cidade.

 

Remata a nosa experiencia. Estamos agotadas pero agradecidas por esta oportunidade. 

 Grazas a todos e todas por acompañarnos estes días.

Fátima e María

Cuarto día (sexta feira)

 No día de hoxe puidemos coñecer as clases de educación infantil da escola Manuela Fonseca.

Cada aula ten unha cor asignada. Nós tivemos a sorte de coñecer aos nenos e nenas da clase vermella e tamén as súas mestras. Encantounos a experiencia.

Aquí vos deixamos a canción de benvida coa que nos recibiron.

 

Ademais na nosa visita de despedida á escola Luis Mendosa, puidemos ver unha exposición sobre o 25 de abril, festa nacional en Portugal. Conmemoran o día no que a democracia chegou ao país. A ponte de acceso a Lisboa recibe tamén este nome para lembrar esta data tan importante. 

É unha ponte un pouquiño máis longa ca da Arousa, está a 70 metros de altura sobre o río e ten unha altura de 190 metros. 

Alá fomos atravesar a ponte....

Tivemos a oportunidade de poder asistir a unha conferencia da policía local sobre o bullyng, tema ao que lle adican moito tempo de traballo na escola.

Queda xa pouco para rematar esta experiencia. Danos moita pena pero tamén estamos desexando voltar as nosas aulas e ver os nosos nenos e nenas.

Terceiro día

 Na xornada de hoxe coñecemos a escola infantil do agrupamento.

Tres aulas con espazos divididos en recunchos. Nenos e nenas con idades mesturadas e moitas ganas de dar apertas.

Espazos cheos de colorido...

 

Contan con comedor escolar con cociñeiras que fan a comida diariamente.

Os espazos exteriores son moi amplios e teñen unha horta que coidan con esmero.

Animádevos a deixarnos algún comentario sobre as escolas que estamos visitando para coñecer as vosas impresións...

Segundo día

No noso segundo día, coñecemos a Escola Luis Mendosa tamén en Barreiro.

Levan anos traballando no Erasmus + como se pode apreciar en todas as fotos.

Os espazos exteriores da escola son moi amplos e o pavillón de deportes conta cunha tirolina, unha estrutura para facer rápel e un rocódromo con arneses. A mestra de EF explicounos o funcionamento destas actividades e tamén que é un pavillón visitado por outras escolas do municipio para practicar estes deportes.

Por fin coñecemos a María, o noso contacto nesta experiencia e profesora de español nesta escola. Estivemos na súa aula con alumnos e alumnas de 13 e 14 anos.

O alumnado conta con dispositivos portátiles parecidos aos ordenadores Edixgal do noso cole. Na clase

 traballaron moito vocabulario en español sobre os tipos de familia a través dun xogo de tarxetas de cores.

 

A aula do futuro pareceunos marabillosa. Espazos onde crear con impresoras 3D, mesa táctil, varias pantallas e ordenadores, maquetas, drons... Un espazo estupendo onde converterse en creadores de contidos.

 

 

 

Contan cunha aula de expresión plástica completamente equipada. Nótase que é un espazo artístico, non so polo mobiliario, con armarios decorados con artistas famosos, mesas e cadeiras adaptadas ao traballo senón tamén pola morea de  traballos, creacións do alumnado e colorido que había na aula.

 A biblioteca é un dos espazos mais atractivos para a rapazada aínda que por mor da pandemia non funciona a pleno rendemento.

Aquí vos deixamos unha morea de imaxes da decoración dos corredores.

Chegou o gran día

Hoxe por fin chegamos a Lisboa. 

Despois dun gran madrugón e un bo almorzo collemos o ferry que nos levaría a escola de Manuela Fonseca en Barreiro.

Entramos nunha escola nova, inaugurada no pasado setembro e con espazos abertos, luminosos e moi acolledores para traballar xuntos e xuntas.

 

 

 

Atopámonos con aulas con nenos e  nenas de moitas nacionalidades, con diferentes linguas, razas e culturas e tamén con mestras e mestres que traballan arreo para  facer que estas crianzas desfruten da escola e aprendan a través dos proxectos que levan a cabo.

 

Aprendemos que o mes de Abril en Portugal está adicado á prevención dos malos tratos na infancia e que a través da lectura do escritor portugués José Saramago os nenos e nenas prepáranse para un concurso de lectura que se leva a cabo neste concello.

PRÓXIMAMENTE

 

Comezamos!

Prestade moita atención!! Próximamente teredes noticias da viaxe que estamos organizando. 

Imaxinades a onde?

...